Vereinsgeschichte

Kaž móžeće na němskej stronje čitać, wobsteji konjace sportowe towarstwo „Při Klóšterskej wodźe“ z. t. nětko hižo wjac hač 25 lět. 1992 wot 13 čłonow załožene, wuwi so wone na sportowe towarstwo z wjac hač 50 sobustawami. Z nich su skoro połojca dźěći a młodostni. Kaž hižo mjeno praji leži čežišćo našeho džěła so wobdźěleć na wubědźowanjach w jednotliwych disciplinach konjaceho sporta a wuhotować kóždolětnje wulki turněr na a při sportnišću w Hórkach. Wosebje wuspěšni su čłonojo našeho towarstwa w přezpólnym jěchanju, jězdźenju a dresurje. Wobdźěleja so na wubědźowanjach po cyłej Němskej a samo we wukraju. Dobry niwow našich młodostnych a dźěći dopokaza so z tym, zo powołaja so stajnje zaso sportowcy do sakskeho kadra młodych jěcharjow.
 
Jedyn z wažnych dypkow w towarstwowym žiwjenju je přewjedźenje jěchanskeho, skakanskeho a jězdźenskeho turněra, stajnje w pózdnim lěću. Započejo 1998 w Chrósćicach, organizujemy jón nětko hižo wjacore lěta w Hórkach. Tam mamy na
pódlanskim sportnišću móžnosć trenowanja. Za čas wubědźowanjow směmy z dorěćenjom bliskich ratarskich zawodow tež łuki wužiwać, tak zo wubědźuja so sportowcy (husto tež z mjezynarodnymi wobdźělnikami) we skoro wšitkich spartach konjaceho sporta. Wosebje hordźi smy na to, zo dóstanjemy hižo wjacore lěta čestny nadawk wuhotować sakske mišterstwa, wosebje w přezpólnym jěchanju – disciplina kotraž wobstej z kombinacije dresury, skakanja a přezpólneho jěchanja.
 
Třeći stołp towarstwoweho žiwjenja su kóždolětne wulěty, zhromadne wječorki a wězo tež hubertusowe jěchanje w oktobru kóždeho lěta. Husto přizamknje so na tutym wječorn tež bal, na tutym dźakujemy so wosebje wšěm pomocnikam a podpěračelam při našim turněru.
 
Bohužel nimamy žadyn towarstwowy konjenc a tež nic konje we towarstwowym wobsydstwje. Tuž je relatiwnje čežko zdobyć a wukubłać dźěći a młodostnych, tak leži to w zamołwitosći kóždeho aktiwneho sportowca.
 
Na kóncu pak hišće małka namołwa:
Smy stajnje wotewrjeni a dźakowni, hdyž móžemy nowych čłonow witać.
 
Kontaktna adresa:

PSV „Am Klosterwasser“ e.V.
Panschwitz-Kuckau
Sandra Berndt
An der Parkmauer 1a
01920 Elstra
 
Wy móžeće nas tež pod
www.psv-amklosterwasser.de
wopytać.


Juli 2011
letzte Änderung: 10.01.2024
Sandra Berndt · An der Parkmauer 1a · 01920 Elstra · psv-amklosterwasser@web.de · 0173/7366443